Daniel Kreider

Vun Wikipedia
Zur Navigation springen Zur Suche springen

Der Daniel Kreider (1782-1860) is een Mennonischt Schreiwer gwest, ass allweil uff (Pennsylvanisch-) Hochdeitsch geischtliche Gedichte und Liedlin gschriwwe hot. Er waar gebore in 1782 - wahrscheinlich im Lengeschder Kaundi - un hot schpeeder in Ontario un in Ohio gewuhnt. Sei Familie waar een vun die aeltscht Mennonischt-Familie in Pennsilfaani. Der Schtammvadder vun alli Kreider in Nadd-Amerikaa is schunn 1716 aus der Palz naach Lengeschder kumme. Nach dem Daniel Kreider seim Dod in 1860 hot mer eeniche vun sei Lieder in Lengeschder bei die Seh vum Johann Bär drucke losse:

- Hinterlassene Lieder / von Daniel Kreider. Lancaster, Pa. : Gedruckt für die Verleger von Johann Bär’s Söhnen, 1861

- Hinterlassene Lieder-Sammlung / des verstorbenen Daniel Kreider. Lancaster, Pa. : Gedruckt und zu haben bey Johann Bär’s Söhnen 1865

Es is meeglich, ass der Kreider mannichmol aa ebbes uff Pennsylvanisch-Deitsch gschriwwe hot, awwer mer wisse des net ferschuhr.